Sunday, 7 January 2024
जोड्दैछौ अष्ट्रेलियाका नेपाली
HomeAustraliaअष्ट्रेलियाको भिषा प्रकृया छिटो बनाउन सरकारको आदेश, सबै उपाय प्रयोग गर्न मन्त्रीको निर्देशन

अष्ट्रेलियाको भिषा प्रकृया छिटो बनाउन सरकारको आदेश, सबै उपाय प्रयोग गर्न मन्त्रीको निर्देशन


ब्रिजवेन/अष्ट्रेलियाको भिषा प्रकृया सुस्त भएको गुनासो बढ्न थालेपछि सरकारले सबै उपाय प्रयोग गरेर छरिदो बनाउन डिपार्टमेन्ट अफ होम अफेयर्स (गृह विभाग) लाई निर्देशन दिएको छ । अष्ट्रेलियाको भिषा सम्बन्धी कार्य यो विभागले गर्छ । विदेशबाट दर्ता भएका भिषा आवेदनहरु जनशक्ति अभावका कारण लामो समय लाइनमा बस्नुपर्ने बाध्यता आएको छ । यो प्रकृयालाई यथासक्य छिटो र छरिदो बनाउन सरकारले विभागलाई निर्देशन दिएको हो ।

विदेशबाट आवेदन हालिएका विद्यार्थी, पर्यटक र अस्थाई कामदार भिषा प्रकृयालाई छिटो बनाउदा, उनीहरु छिटै अष्ट्रेलिया आएर यहाँको कामदार अभाव घटाउन मद्धत पुग्ने बताइएको छ । आज अध्यागमन, नागरिकता तथा बहुसंस्कृति मामिला मन्त्री एन्ड्रयु गिलसले जारी गर्नु भएको विज्ञप्तीमा विभागलाई भिषा प्रकृया छिटो बनाउन सबै खाले उपाय अपनाउन निर्देशन दिइएको उल्लेख छ । भिषा प्रकृयालाई छरिदो बनाउन यसअघि कोभिड यात्रा प्रबन्धमा खटिएका १ सय ४० जना कर्मचारी लाई अघिल्लो मे देखि भिषा शाखामा काम गर्न पठाइएको समेत विज्ञप्तीमा उल्लेख छ ।

मन्त्री गिलसले भिषाको आवेदन बढेका कारणले समेत प्रकया सुस्त भएको दाबी गर्नुभएको छ । गत मे भन्दा जुन भिषा आवेदन साढे ६ प्रतिशतले बढेको बताइएको छ । विभागले गत जुनदेखि २ महिनाको समयमा ७ लाख ४५ हजार भिषा आवेदनलाई अन्तिम रुप दिएको छ । जसमा ६ लाख ४५ हजार भिषा आवेदन विदेशबाट परेको थियो । जसमध्ये ३ लाख ८८ हजार पर्यटक, ६२ हजार विद्यार्थी र साढे ९ हजार अस्थाई कामदार भिषाको आवेदन परेको थियो ।
मन्त्री गिलसले भिषा प्रकृयालाई छिटो र छरिदो बनाउने सरकारको मुख्य प्राथमिकतामा परेको तथा यसअघि देखि लाईनमा रहेका भिषा आवेदनको संख्या तुरुन्तै घटाउन भने समय लाग्ने बताउनुभएको छ ।


ट्याग : #Australia Visa
यस वेवसाईटमा प्रकाशित समाचार, विचार र लेखबारे तपाईको कुनै प्रतिक्रिया, गुनासो, सुझाव र सल्लाह छन् भने कृपया हामीलाई निम्न ईमेलमा पठाउनुहोला । तपाईको सहयोगले हामीलाई निष्पक्ष र तटस्थ पत्रकारिता गर्न टेवा पुग्नेछ । सम्पर्क इमेल : info@nepaltube.com.au

तपाईको प्रतिक्रिया


सम्बन्धित खबर

ट्रेण्डिङ