अष्ट्रेलियामा महजात्रा २०२४ : आउँदै महजोडी र भेट्रान गायिका कुन्ति मोक्तान
काठमाडौं । महजात्रा कार्यक्रमका क्रममा चर्चित नेपाली कलाकार अर्थात महजोडी मदनकृष्ण श्रेष्ठ,हरिवंश आचार्य सहित महजात्राको टिम अष्ट्रेलिया आउने भएको छ । सामाजिक सञ्जाल फेसबुकबाट मदनकृष्ण आफैंले “हामी आउँदै छौ अष्ट्रेलिया र न्यूजिल्यान्ड” भन्दै सार्वजनिक गर्नुभएको हो ।
अष्ट्रेलियाका प्राय सबै राज्यका शहर र न्युजिल्यान्डमा समेत विशेष कार्यक्रम आयोजना हुने बताइएको छ । महजात्रा २०२४ भब्य बनाउन महजोडिका साथै किरण केसी (राता मकै),नरेन्द्र कंसाकार, भेट्रान गायिका कुन्ति मोक्तान समेत अष्ट्रेलिया र न्युजिल्यान्ड टुरमा रहनुहुनेछ । अष्ट्रेलिया भ्रमण र कार्यक्रम बारेको विस्तृत विवरण mahajatra.com.au मार्फत सार्वजनिक गरिएको छ ।
महजोडी र भेट्रान गायिका कुन्ति मोक्तानसहितको कलाकार टोलीले मे अन्तिमबाट जुनसम्मै अष्ट्रेलिया र न्युजिल्यान्ड टुरमा रहनेछन । मे २५ मा पर्थमा, मे २९ मा क्यानबेरा, जुन २ मा सिड्नी, जुन ७ मा एडिलेड, जुन ८ मा मेलवर्न, जुन १५ मा उकल्याण्ड र जुन २३ मा न्युजिल्यान्डमा महजात्राको कार्यक्रम तय गरिएको छ ।
लाइभ न्युज
तपाईको प्रतिक्रिया