५ वर्षमै अष्ट्रेलियामा नेपालीको जनसंख्या दोब्बर भन्दा बढी वृद्धि । कति पुग्यो त अहिले ?

ब्रिजवेन/ जन्म स्थानका आधारमा अष्ट्रेलियालीमा दोस्रो धेरै जनसंख्या वृद्धि हुनेमा नेपाल देखिएको छ । सन् २०२१ मा सम्पन्न राष्ट्रिय जनगणनाको तथ्यांक अनुसार पछिल्लो ५ वर्षमा नेपाल जन्मस्थान भएका मानिसहरुको संख्या वृद्धि दर अष्ट्रेलियामा १२३.७ प्रतिशत छ ।

पछिल्लो जनगणना अनुसार ५ वर्षमा नेपालमा जन्म भएका मानिसको संख्या ७० हजारले बढेको हो । नेपालमा जन्मिएका र हाल अष्ट्रेलियामा बसोबास गर्ने नेपालीको जनसंख्या १ लाख २२ हजार ५ सय ६ जना रहेको छ । जसमध्ये नागरिकता लिएकाहरु २५ हजार ८ सय ६५ जना रहेका छन् । दोस्रो पुस्ताका नेपालीमुलका अष्ट्रेलियनहरुको जनसंख्या जोड्दा नेपालीको जनसंख्या थप बढ्न सक्छ ।

यसको थप तथ्यांकहरु तथ्याङले ब्युरोले आउने हप्ताहरुमा सार्वजनिक गर्दै जानेछन् । नेपालपछि समुदाय वृद्धी हुनेमा भारत ४८ प्रतिशत, पाकिस्तान ४५ प्रतिशत र इराक ३८ प्रतिशत छन् ।