मिस नेपाल–२०२२ को उपाधि प्रियंका रानी जोशीलाई, को बने अरु बिजेता ?

काठमाडौं । मिस नेपाल–२०२२ को उपाधि प्रियंका रानी जोशीले जित्नुभएको छ । ललितपुरको गोदावरीमा भएको फाइनलमा २३ जना प्रतिस्पर्धीलाई पछि पार्दै जोशीले मिस नेपालको ताज पहिरिनुभएको हो ।

जोशीलाई पूर्व मिस नेपाल नम्रता जोशीले ताज पहिर्याउनुभएको थियो । मिस नेपाल सन् २०२२ को प्रतिस्पर्धाको अन्तिम राउण्डमा २४ जना सहभागी थिए । यस्तै मिस नेपाल इन्टरनेसनल नान्सी खड्का र मिस नेपाल अर्थको उपाधी सरिसा श्रेष्ठले पाउनुभएको छ । विभिन्न ९ वटा सब–टाइटलका विजेता समेत आजै घोषणा गरिएको थियो ।

मिस नेपाल प्रतियोगिताको लागि झन्डै ८०० जना सुन्दरीहरुले आवेदन दिएका थिए । द हिडन ट्रेजरले प्रतियोगिताको आयोजना गर्दैआएको छ । अघिल्ला २ वर्ष भने कोरोना महामारिका कारण प्रतियोगिता रोकिएको थियो ।