अब सर्बियामा नेपालका मेनपावर कम्पनीले श्रमिक पठाउन पाउने !

काठमाडौं । अब नेपालबाट वैदेशिक रोजगारीका लागि सर्बिया जान पाइने भएको छ । श्रम, रोजगार तथा समाजिक सुरक्षा मन्त्रालयले सर्बियाका लागि पनि वैदेशिक रोजगार व्यवसाय सञ्चालन गर्न अनुमति दिएसँगै नेपाली श्रमिक जान पाउने भएका हुन् ।

मन्त्रालयले राजपत्रमा एक सूचना प्रकाशित गर्दै मेनपावर कम्पनीहरुले नै सर्बियामा श्रमिक पठाउन पाउने व्यवस्था गरेको छ । सरकारले अहिलेसम्म ११० भन्दा बढी देशमा श्रमिक पठाउन खुला गरिसकेको छ । यी मध्ये धेरैमा नेपाली श्रमिकले सहज रुपमा जान पाउने अवस्था देखिएको छैन ।

सर्बिया दक्षिणपूर्वी युरोपको भूपरिवेष्ठित राष्ट्र भएकाले यहाँ रोजगारीमा जानेहरुको आकर्षण बढ्ने आँकलन गरिएको छ । यो उच्च मध्यम आय भएको युरोपकै सुन्दर राष्ट्रहरु मध्ये एक हो । Photo : worldwide-tax.com/