न्यूयोर्कको एक अपार्टमेन्टमा आगोलागी, ९ बालबालिकासहित कम्तीमा १९ जनाको मृत्यु

एजेन्सी, अमेरिकाको न्यूयोर्कस्थित एक अपार्टमेन्ट भवनमा आगलागी हुँदा ९ बालबालिकासहित कम्तीमा १९ जनाको ज्यान गएको छ । स्थानीय अधिकारीका अनुसर आगोलागीबाट घाइते भएका ३२ जनालाई उद्धार गरेर उपचारका लागि अस्पताल पठाइएको र त्यसमध्ये केही गम्भीर अवस्थामा रहेको जानकारि दिएका छन् ।

न्यूयोर्कका मेयर एरिक एडम्सले १९ तले भवनमा आगलागी भएको र अहिले स्थिति नियन्त्रणआ आइसकेको जानकारि दिनुभयो । अग्नि नियन्त्रण विभागका आयुक्त ड्यानिएल निग्रोले आगोलागी भीषण भएको र हरेक तलामा प्रभावितहरु भेटिएको बताउनुभयो । उहाँले आगलागीका कारण पछिल्लो ३० वर्षमा न्यूयोर्कमा यति धेरै संख्यामा मानवीय क्षति भएको यो नै पहिलो घटना भएको समेत बताउनुभयो ।आगो नियन्त्रणका लागि करिब २०० जना अग्नि नियन्त्रक खटिएका थिए । विद्युतीय हिटरका कारण आगलागी भएको हुन सक्ने अनुमान गरिएपनि थप अनुसन्धान भइरहेको छ ।

केही दिनअघि मात्रै फिलाडेलफियामा अपार्टमेन्ट भवनमा आगलागी हुँदा ८ बालबालिकासहित १२ जनाको ज्यान गएको थियो । न्यूयोर्कमा आइतबार आगलागी भएको हो । ब्रोन्स अपार्टमेन्टको दोस्रो र तेस्रो तलबाट आगलागी सुरु भएको जनाइएको छ ।