अनमोल केसी अम्पायर कन्सलटेन्सीको दूत नियुक्त, यस्तो छ आगामी सहकार्यको योजना

काठमाडौं । अभिनेता अनमोल केसी अम्पायर कन्सलटेन्सी एन्ड भिजा सेन्टरको व्यवसायिक दूत नियुक्त हुनुभएको छ । बुधबार काठमाडौंमा एक कार्यक्रमका बीच सेन्टरका प्रमुख स्वतन्त्रप्रताप शाह र केसीबीच सम्झौता पत्रमा हस्ताक्षर भएको हो ।

ब्रान्ड एम्बेसडरको नियुक्ति पाएका केसी अब कम्पनीको हरेक व्यवसायिक गतिविधिमा सहभागि हुनेछन् । भविष्यमा फिल्म निर्माणसहितका परियोजनामा समेत सहकार्य हुनेगरि समझदारी बनेको अम्पायर कन्सलटेन्सी एन्ड भिजा सेन्टरका प्रमुद शाहले जानकारी दिनुभयो । थप सहकार्यबारे चाँडै जानकारी दिने कम्पनी प्रमुख शाह र केशीले बताएका थिए ।

रियल स्टेट लगायतका विभिन्न व्यवसायका साथै अभिनेता समेत रहेका शाहसँग व्यवसायिकभन्दा पनि ब्रदरहुडको कारण आफू जोडिएको अनमोलले बताउनुभयो ।अनमोलसँग सम्झौतापत्र आदानप्रदान गदै शाहले भने, ‘केसीलाई एम्बेसडरको रुपमा नियुक्त गर्न पाउँदा खुशि लागेको छ । हामी थप प्रोजेक्टमा पनि सहकार्य गर्न तयार छौं ।’

योसँगै अनमोलले विदेशमा अध्ययन गर्न जाने विद्यार्थीको लागि बजारीकरणमा सघाउने, वैदेशिक अध्ययनका चुनौतिबारे सचेतना जगाउने, अध्ययनपछि स्वदेश फर्कनुपर्छ भन्ने धारणाको विकास गराउने कार्यमा भूमिका खेल्ने बताइएको छ । अम्पायर कन्सलटेन्सीले काठमाडौंसहित पोखरा, चितवन, दमक तथा विदेशका भुटान र फिलिपिन्समा समेत शाखा विस्तार गरेको छ । २० वटा मुलुकमा फैलिएको नेपाली उद्यमी संस्था फिनेका अध्यक्ष समेत रहेका शाहले विदेश र नेपालमा एकैपटक फिल्म रिलिज गर्ने वातावरण बनाउन तयारी भैरहेको समेत जानकारी दिनुभएको छ ।

अष्ट्रेलियामा समेत व्यवसाय विस्तार गर्नुभएका शाहले ट्राभल, कन्सल्टेन्सी, रियस स्टेट लगायतका विभिन्न व्यवसायमार्फत सयौँलाई रोजगारिको अवशर दिदैआउनुभएको छ ।