बेलुन घर हावाले उडाउदा तास्मानियामा ५ स्कुले केटाकेटीको गयो ज्यान

होबार्ट/हावा भरिएको बेलुन घर अर्थात जम्पिङ क्यासल एक्कासी हावामा उड्दा तास्मानियाको डेभनपोर्टमा ५ स्कुले केटाकेटीको ज्यान गएको छ । स्थानिय संचारमाध्यमहरुले जनाए अनुसार बिहिबार डेभनपोर्टको हिलक्रिष्ट प्राथमिक विद्यालयमा घटना भएको हो । स्थानिय प्रहरीका अनुसार एक्कासी हावाले क्यासल र त्यसमा खेलिरहेका ९ जना बालबालिकालाई जमिनबाट १० मिटर माथी उडाएको थियो ।

जसमध्ये ४ जनाको घटनास्थलमा, एकको अस्पतालमा ज्यान गएको हो । ३ जना बालबालिको अवस्था चिन्ताजनक छ । सामान्य अवस्था रहेका एक जनाको भने घरमै उपचार भइरहेको छ । विद्यालयको छुट्टी अघिको अन्तिम दिनको अतिरिक्त कार्यक्रमका बेलामा दुर्घटना भएको हो । यस कार्यक्रममा कक्षा ५ र ६ का विद्यार्थी सहभागी थिए ।
घटनापछि तास्मानियाका प्रिमियर पिटर गटविनले यस घटनाले सिंगो राज्य शोखमा डुबेको बताउनुभयो । घटनाको प्रहरीले छानविन गरिरहेको छ । छानविनको रिपोर्ट आउन केही समय लाग्न बताइएको छ ।

क्यासललाई हावाले उडाएको भनिएपनि सो समयमा त्यस आसपास केबल २२ किलोमिटिर प्रतिघण्टाको दरले हावा चलेको स्थानिय मौसम विभागले जनाएको छ । यो दरलाई हावाको मध्यम गति मानिन्छ । Photo- Sarah Maunder

• Lifeline on 13 11 14
• Kids Helpline on 1800 551 800
• MensLine Australia on 1300 789 978
• Suicide Call Back Service on 1300 659 467
• Beyond Blue on 1300 22 46 36
• Headspace on 1800 650 890
• QLife on 1800 184 527