अष्ट्रेलियाले हटायो भेरोसेल खोपको उमेर हद, ६० कटेका पनि आउन पाउने

ब्रिजवेन/ यसअघि चिनियाँ खोप भेरोसेलमाथी लगाइएको ६० वर्षे उमेर हदलाई अष्ट्रेलियाले हटाएको छ । यसको मतलब अब सिनोफाम समेत भनिने यो खोपको दुबै मात्रा लगाएका ६० वर्ष कटेका मानिसले समेत अष्ट्रेलिया यात्राका लागि अनुमति पाउने भएको हो ।

यसअघि अष्ट्रेलियाको थेराप्युटिक गुुड्स एडमिनिष्ट्रेसन टिजिएले यो खोप लगाएका र ६० वर्ष उमेर कटेकाहरुको हकमा पुर्ण खोपको मान्यता दिएको थिएन । तर, वृद्ध मानिसमा यस खोपको प्रभावकारिता मुल्यांकन गरेपछि सुरक्षित देखिएकाले उमेर हद हटाइएको टिजिएले विज्ञप्तीमा भनेको छ ।

नेपालमा भेरोसेल खोप लगाएका र ६० वर्ष कटेका मानिसहरुको संख्या उलेख्य छ । यहि प्रावधानका कारण उनीहरु आफ्ना आफन्त र सन्तान भेट्नका लागि अष्ट्रेलिया आउन पाएका थिएनन् । दुबै भेरोसेल खोप लगाइसकेकाहरुले समेत अष्ट्रेलिया आउन कै लागि थप जोनसन एण्ड जोनसनको खोप लगाएको समेत भेटिएको थियो । अब भने त्यस्तो झण्झट हट्ने भएको छ । अष्ट्रेलियाले यात्रा अनुमतिका लागि टिजिएले मान्यता दिएको खोपको पुर्ण मात्रा लगाउनुपर्ने अनिवार्य नियम लगाएको छ ।

अष्ट्रेलियाले यात्रा अनुमतिका मान्यता दिएका खोपहरु यसप्रकार छन् ।