अष्ट्रेलियाको कला बजारमा उच्च रेकर्ड बनाएको पेन्टिङ, ५० लाख अमेरिकी डलरमा बिक्री

ब्रिजबेन, अष्ट्रेलिया । अष्ट्रेलियास्थित ब्रेट ह्वाइटलेको पेन्टिङ ५० लाख अमेरिकी डलरमा बिक्री भएको छ । अष्ट्रेलियाको आर्ट मार्केटमा ह्वाइटलेको पेन्टिङले ठूलो राशीमा बिक्रीको रेकर्ड बनाएको छ । ४५ लाखको सुरूवाती मुल्य राखेर लिलामी सुरू गरिएको पेन्टिङले ५ मिनेटमा नै अष्ट्रेलियाली मालिक पाएको थियो ।

अष्ट्रेलियाको सिड्नीका परिवारले ’हेनरीज आर्मचेयर’ नाम दिइएको उक्त पेन्टिङ ५ मिलियन अमेरिकी डलरमा खरिद गरेका खरिदकर्ताले पूरा पहिचान भने खुलाउन अनुमति नदिएको अष्ट्रेलियाका मिडियाहरूले उल्लेख गरेका छन् । बिक्री भएको पेन्टिङले अष्ट्रेलियाको कला क्षेत्रमा उच्च खरिद बिक्रिको नयाँ रेकर्ड बनाएको छ । बायर्स प्रिमियम चार्ज सहित समग्रमा ६.१३६ मिलियन अष्ट्रेलियन डलरमा बिक्री भएको उक्त पेन्टिङले अष्ट्रेलियाको सबैभन्दा महँगो पेन्टिङको रेकर्ड बनाएको हो । पेन्टिङको बिक्रीमा गत १० वर्षदेखि ५.४ मिलियन डलरको रेकर्ड कायम थियो । न्युसाउवेल्सको आर्ट ग्यालरीबाट नोलान्स फर्स्ट९क्लास मार्कस्म्यानले सिड्नी अक्सन हाउसबाट ५.४ मिलियन डलरमा एउटा पेन्टिङ खरिद गरेका थिए । यहि नै अहिलेसम्मको उच्च रेकर्ड थियो ।

अष्ट्रेलियाको सबैभन्दा महँगो पेन्टिङ हेनरीज आर्मचेयर २ मिटर उचाइ तथा ३ मिटर लम्बाइको रहेको छ । सन् २०१८ मा मृत्यु भएका क्लाइभ इभाटकी बिधुवा श्रीमती एलिजावेथ इभाटले बिक्रीका लागि राखेकी थिइन् । लिलामी भन्दा पहिला कुनै सार्वजनकि संस्थाले उक्त पेन्टिङ खरिद गर्ने आशामा रहेको एलिजावेथले लिलामी बिक्री हुँदा आँफु दुखी भएको उल्लेख गर्नुभएको छ । सन् १९७५ मा क्लाइभ इभाटले ब्रेट ह्वाइटलेबाट प्रत्यक्ष रूपमा उक्त पेन्टिङ खरिद गरेका थिए । उक्त पेन्टिङ न्युसाउथवेल्सको ब्रेट ह्वाइटलेको स्टुडियो लगायत अन्य स्थानमा पनि प्रदर्शनका लागि राखिएको पाइएको छ ।