Saturday, 24 February 2024
जोड्दैछौ अष्ट्रेलियाका नेपाली
HomeAustraliaभारतलाई हराएर अष्ट्रेलियाले जित्यो चौथो पटक अन्डर १९ विश्वकपको उपाधि

भारतलाई हराएर अष्ट्रेलियाले जित्यो चौथो पटक अन्डर १९ विश्वकपको उपाधि


काठमाडौं । आइतबार भएको यू–१९ विश्वकपको फाइनलमा भारतलाई ७९ रनले पराजित गर्दै अष्ट्रेलियाले उपाधि जितेको छ । जितका लागि अष्ट्रेलियाले दिएको २५४ रनको लक्ष्य पछ्याउने क्रममा भारतीय टोली ४३.५ ओभरमा १७४ रनमा अलआउट भएसँगै उपाधि अष्ट्रेलियाको पोल्टामा पुगेको हो ।

भारतका लागि आदर्श सिंह (४७) र मुरुगन अभिषेक (४२) ले सर्वाधिक रन बनाए । मुशीर खानले २२ रनको योगदान दिए । अस्ट्रेलियाका राफ म्याकमिलन र महली बियर्डम्यानले ३/३ विकेट लिएर भारतलाई धारासायी बनाए । अस्ट्रेलियाले निर्धारित ५० ओभरमा ७ विकेट गुमाएर २५३ रनको चुनौती प्रस्तुत गरेको थियो । हरजस सिंहले सर्वाधिक ५५ रन बनाए । कप्तान ह्युज विब्जेन ४८ रनको योगदान दिदा ह्यारी डिक्सन ४२ रन बनाए । भारतका लागि राज लिम्बानीले ३ विकेट लिए भने नमन तिवारीले २ विकेट लिएका थिए ।

अष्ट्रेलियाले १९ वर्षपछि यू–१९ विश्वकपको उपाधि हात पारेको छ । उपाधिका हिसाबले भने यो चौथो हो ।



यस वेवसाईटमा प्रकाशित समाचार, विचार र लेखबारे तपाईको कुनै प्रतिक्रिया, गुनासो, सुझाव र सल्लाह छन् भने कृपया हामीलाई निम्न ईमेलमा पठाउनुहोला । तपाईको सहयोगले हामीलाई निष्पक्ष र तटस्थ पत्रकारिता गर्न टेवा पुग्नेछ । सम्पर्क इमेल : info@nepaltube.com.au

तपाईको प्रतिक्रिया

ट्रेण्डिङ