अष्ट्रेलियामा बढ्दै सडक दुर्घटना, नयाँ वर्ष आसपासमा सिड्नी क्षेत्रमा मात्रै ५ जनाको मृत्यु !

ब्रिजबेन । नयाँ वर्ष र क्रिसमसको समयमा अष्ट्रेलियाको सिड्नी आसपासमा मात्रै सडक दुर्घटनामा परेर ५ जनाले ज्यान गुमाएका छन् । नयाँ वर्षको समयमा न्यु साउथवेल्स, सिड्नी आसपासमा मात्रै ७ सय ४० वटा सडक दुर्घटना हुँदा ५ जनाको ज्यान गएको न्यु साउथ वेल्स प्रहरीले जानकारि दिएको हो ।

नयाँ वर्षको समयमा प्रहरीले ३ लाख ४२ हजार जनामाथी मापसे जाँच गरेको छ । यी मध्ये ६ सय ३१ चालकले मदिरा सेवन गरेर, १३ सय ७४ जनाले लागुपदार्थ सेवन गरेर गाडी चलाएका थिए । ८ हजार ६९ जनाले तिब्रगतिमा सवारी चलाउँदाको जरिवाना तिर्नुपरेको न्यु साउथ वेल्स प्रहरीले जानकारि दिएको छ ।

अष्ट्रेलियामा बढ्दै सडक दुर्घटनाको जोखिम
ब्युरो अफ इन्फास्ट्रक्चर एण्ड ट्रन्सपोर्ट इकोनोमिक्सको रिसर्चले पछिल्लो ५ महिनामा ६ दशमलब ३ प्रतिशतले दुर्घटना बढेको देखाएको छ । वयस्क चालकका कारण सडक दुर्घटना बढी भएको तथ्यांकले युवाहरुको हेलचेक्राई बढी देखाएको छ । सन २०२३ को नोभेम्बरसम्म १२ सय ५३ जनाको सडक दुर्घटनाबाट ज्यान गएको छ ।

सवारी चलाउँदा हेलचेक्राई गरे जोखिम बढाउने र आफू समेत दुर्घटनाको सिकार बन्नेभन्दा सावधान बनेर सुरक्षित बनौँ ।