अध्यागमन विभागका महानिर्देशक अधिकारी गृह मन्त्रालय तानिए, यस्तो छ फिर्ताको कारण !

काठमाडौं । अध्यागमन विभागका महानिर्देशक झलकराम अधिकारी गृह मन्त्रालय तानिएका छन् । सुन तस्करीमा संलग्न भनिएका चिनियाँ नागरिक दावा छिरिङसँग सम्पर्कमा रहेको भन्दै सार्वजनिक रुपमा प्रश्न उठेपछि अधिकारीलाई मन्त्रालयमा तानिएको हो ।

गृहमन्त्री नारायणकाजी श्रेष्ठका स्वकीय सचिव विजय गौतमले अधिकारी र दावाबीच चिनियाँ सामाजिक सन्जाल वी–च्याटमा कुराकानी भएको सार्वजनिक भएपछि मन्त्रालय तानिएको जानकारि दिनुभयो । अधिकारीमाथी उठेको प्रश्नको वास्तविकताको अब गृहले खोजी गर्नेछ । सुन तस्करीमा संलग्नताको अभियोग लागेका दावा भने नेपाल प्रहरीको केन्द्रीय अनुसन्धान ब्युरो (सीआईबी) को हिरासतमा छन् ।