सिंगो परिवार क्रिसमसको खुसीमा रम्दैगर्दा घर जलेर नष्ट, सहयोग संकलन सुरु

ब्रिजबेन । क्रिसमसको खुसीमा रमाउँदै खाजा खान गएका बेला तस्मानियाको एउटा परिवारले आगलागीबाट आफ्नो घरसँगै सरसामान गुमाएको छ । लोअर ब्यारिङटनमा भएको आगलागीबाट आठजनाको तास्मानियाली परिवारको घर र त्यसमा रहेका सबै सरसामान जलेर नष्ट भएका हुन् ।

अनुसन्धानकर्ताहरूले विद्युत सर्ट भएर आगलागी भएको अनुमान गरेका छन् । स्थानीय डलास व्हेलनले आफ्नी छोरीको घर जल्दैगरेको सबैभन्दा पहिले देख्नुभएको थियो । आराम गरिरहेका व्हेलन श्रीमतीले ब्युँझाएपछि धुवाँ देखेर फयर स्टेशनमा खबर गरेको बताउनुहुन्छ । खबर गर्न ढिलाई भएका कारण आगोालगीको जाखिम कम गर्न सकिएन । नजिकैको शहर शेफिल्डको स्थानीय स्वयंसेवक फायर स्टेशनले पीडित परिवारको लागि चन्दा संकलन अभियान थालेको छ । परिवारका आफन्त मेघन वेलान्ड्सले कोष सङ्कलन पृष्ठ स्थापना गरेर सहयोग जुटाउने अभियान थाल्नुभएको छ ।

अहिलेसम्मको विवरण अनुसार ३ लाख डलर हाराहारी क्षती पुगेको आँकलन गरिएको छ । आगोलागीमा परेका परिवारका तीन सदस्य ब्रिगेड स्वयंसेवक भएकाले सहयोग संकलन अभियानले तिब्रता पाएको छ भने केही प्रारम्भिक सहयोग दाताहरुबाट पीडित परिवारले स्विकार समेत गरेका छन् ।